Од средината на месецот ќе започне редовната имунизација против сезонски грип. Вакцините ќе бидат бесплатни за хронично болните, постарите граѓани над 65 години, бремени жени и лица со слаб имунитет. Вакцината освен што го намалува ризикот од зараза, туку значително ги ублажува симптомите кај оние што сепак ќе се разболат.
„Како редовно се вакцинирам, грипот многу полесно го поминувам. Единствено со парацетамол. И јас и сопругот редовно се вакцинираме против сезонскиот грип. Веќе се пријавив„ коментираат анкетираните граѓани.
Сите кои сакаат да се имунизират треба да се пријават пополнувајки апликацијата на сајтот vakcinacija.mk или преку матичен лекар. По пријавувањето грѓаните ќе добијат порака за кога и во колку часот ќе може да ја примат вакцината. Лекарите апелираат дека најдобро време за имунизација се октомври и ноември, за организмот да создаде доволно антитела пред зимата.
„Вакцината е безбедна и е ефикасна мерка за заштита и превенција од потешки форми на грип, односно од компликации и смтни исходи кај ризичните групи„ изјави д-р Светлана Живкова
Годинава за заштита од сезонски грип Министерството за здравство, набави 80.000 дози на четиривалентна вакцина од холандскиот производител „Абот„.
