Кривичниот суд денеска треба да донесе пресуда за случајот со дивите депонии. Мајсут Мемиши, Алмир Асани и Флорин Арифи се тројцата обвинети кои се товарат дека создале диви депонии на улицата „Зендел Џемаил“ во населбата Вардариште. На претходното рочиште ја признаа вината за кривичното дело „загрозување на животната средина и природата со отпад“.
Тројцата обвинети од 2020 до септември 2025 година нелегално откупувале старо железо и друг отпад без дозвола, при што непрописно го складирале и транспортирале отпадот, создавајќи диви депонии. Нивната одбрана сметаше дека нема докази дека пожарите на депонијата биле на местото каде што бил фрлан отпадот на обвинетите.
Пожарот што избувна на дел од локацијата дополнително го привлече вниманието на надлежните институции. Во меѓувреме, граѓаните во населбата Аеродром секојдневно протестираат за затворање на депонијата и институционално решение.
