Независниот кандидат за градоначалник на Општина Струга, Менди Ќира изборната кампања синоќа ја почна од Лабуништа.
Изградба на градинка со капацитет за згрижување од 300 деца, водовод и канализација, урбанизација на селото, изградба на спорски терени, повеќе паркинг места…. се дел од проектите што им ги вети на жителите на Лабуништа.
– Лабуништа е место каде што жртвата, трудот и печалбарството напишале историја. Но, тоа е и место на неисполнети ветувања. 20 години владееја истите луѓе со празни зборови. Ова мора да заврши, рече Ќира.
Барајќи ја поддршката на лабуништани, тој ги повика да гласаат за него, да го заокружат бројот 133 за градоначалник и број 7 за советничката листа на ВЛЕН.
Носителот на советничката листа на ВЛЕН за Струга Амир Ќазими присутните ги повика да дадат поддршка за независниот кандидат Ќира и за листата на советници на ВЛЕН и да донесат промена на Струга.
– Менди Ќира е човек со визија, искрена воља и енергија да работи за сите нас. Тој знае да слуша, да разбере и најважното знае да работи, рече Ќазими.
Ќира и Ќазими ветија транспарентна, одговорна и развиена општина Струга.
