Од ВМРО-ДПМНЕ возвратија дека, за разлика од СДСМ која – како што велат – додека беше на власт не наоѓаше решенија, туку протестираше, надлежните сега активно работат на решавање на проблемот со отпадот.
Велат дека е лицемерно токму СДСМ да зборува за загадувањето, потсетувајќи дека додека беа на власт, нивни функционери излегуваа на улица наместо да понудат решенија.
Од партијата посочуваат дека СДСМ не реализираше ниту едно ветување поврзано со Вардариште, и дека актуелната кандидатка Каја Шукова, иако доаѓа од ресорот екологија, не понудила никакво решение.
„Надлежните се на терен и се работи на санирање. Наталожените проблеми не се решаваат преку ноќ,“ порачуваат од ВМРО-ДПМНЕ.
