„Вин вин“ решението на Венко Филипче за црвените линии за „Бугарската тема“ што помпезно го најавува повеќе од еден месец, може да ги ослабне позициите на Македонија и да стави нови сопки на евроинтеграцискиот пат.
Покрај ова, друг проблем е што за резолуцијата потребен е собраниски консезус и подрршка од сите политички партии, а СДСМ и ВМРО ДПМНЕ имаат спротивставени ставови. Лидерот на СДСМ Филипче е спремен по секоја цена да ги направи уставните измени, додека ВМРО ДПМНЕ бара гаранции дека ќе ги отпочнеме преговорите со ЕУ без ниту една друга сопка.
Дел политичките аналитичари сметаат дека најбитно од се, да се заценементираат црвените линии во Собрание со потпис и согласност на сите партии, а не како СДСМ си замислува.
Јасно како ден е дека Бугарија нема да го смени наративот, ниту политиката за Македонија и билатералниот спор, а опозицијата наместо да се става на иста линија со источниот сосед и да бара нови црвени линии, да се држи до резолуцијата за која пратениците на СДСМ гласаа во 2021. Тоа е резолуцијата што тогаш како опозиција ја поднесе ВМРО ДПМНЕ во која прецизно се оцртуваат национални и државни позиции во однос на македонскиот јазик, историја и идентитет. Колумнистот и политичкиот аналитичар Бранко Героски во однос на бугарското писмо на тамошниот министер за надворешни кое наликува на наративот на социјалдемократите, оценува дека лидерот на СДСМ треба да ги почитува постоечките црвени линии дефинирани уште пред 4 години, а не да бара нови.
Венко Филипче повика на политичко единство во Собранието за ова прашање иако знае дека ниту Владата ниту граѓаните се за внесување на Бугарите во Уставот, под бугарски диктат. Претходно се залагаше, да се направат уставни измени и да се отпочнат преговорите, но нема одговор што ако Македонија попушти и бадијала ги внесе Бугарите во Уставот, а се соочи со нови услови и сопки. Засега Филипче нема откриено што ќе биде неговиот предлог за решавање на спорот со Бугарија. Тој на почетокот на наредната недела најави презентација на содржината на резолуцијата.
