По повеќе од една деценија тапкање во место, а по седум години не правење ништо, конечно над 50% од автопатот Кичево – Охрид е пуштен во употреба. По 17 километри кои беа пуштени во употреба во јули, од денеска се вози по нови 17 километри од автопатот. Станува збор за делницата од Климештани до Охрид, со мал прекин кај Требеништа. Конечно и пристапот до охродскиот Аеродром е модерен и поврзан со автопат.
Премиерот Христијан Мицкоски вели дека овој автопат станува реалност, а очекува дека на Македонија ќе и донесе развој на туризмот и економијата и ќе се отворат нови работни места. Охрид не е само амкедонски бисер, тку светско културно наследство, подвлекува Мицкоски.
Министерот за транспорт Александар Николоски вели дека автопатот бил заборавен и напуштен проект односно симбол за неработењето на СДСМ и ДУИ. Тој очекува автопатот да донесе нови бизниси и наплив на туристи во земјата.
Жителите на Горјанци, Подмолје, Требеништа, Мешеишта и Оровник сега имаат пристапни патишта до автопатот. Директорот на ЈП Државни патишта вели дека многу е тешко да се изведува автопат на густо населени места и на веќе постоечки асфалт, но сега и тоа е завршено.
Автопатот се гради од 2014. Изградбата вклучи соочување со геотехнички проблеми, дополнителни градежни работи и финансиски зголемувања. Првично предвидената инвестиција од 374 милиони евра се зголеми на околу 598 милиони евра, а крајниот рок за завршување неколкупати беше пролонгиран. Засега нема најави за зголемување на сумата пробивање на рокот.
