🎥 Минимална плата 500 евра и потрошувачкa кошничка – Теми на економско-социјалниот совет

Синдикатите работодавачите и владата седнаа на иста маса , договор за повисок минималец нема, а беше презентирана потрошувачка кошничка . Седницата ја отвори премиерот Мицкоски кој посочи дека е добро што има различни ставови по одредени прашања и порача дека дијалогот треба да продолжи .

Предлогот за 500 евра минималец беше ставен дополнително на дневен ред на барање од ССМ, а Владата ја прифати дискусијата. Иако синдикалците велат дека сакаат повисока плата, превирањата меѓу нив продолжуваат, а сите гледаат различна причина зошто нема договор за минималецот.

Работодавачите пак велат растот на платите мора да ја следи продуктивноста, во спротивно малите и средните бизниси нема да можат да издржат, а дополнително спотои ризик да се подгрее и инфлацијата.

До следната седница ќе се чекаат и предлозите и забелешките за новата методологија на потрошувачка кошничка која ќе ја пресметува државата. Најавите се дека во иднина ќе има и повеќе потрошувачки кошнички за различни категории на граѓани.

Владата во неколку наврати упати порака дека доколку се договорат синдикатите и работодавачите нема проблем со покачување на минималецот. Преговорите се очекува да продолжат на следната седница на ЕСС.