Пет пожари се активни на територија на Општина Ѓорче Петров.
Гори на потегот Стопански двор, над црквата, кај гробиштата Ѓорче, над улица Црногорска, како и во Волково, Орман и Кучково.
Од Општината Ѓорче Петров информира дека поради појава на повеќе активни пожари на територијата на општината, денес е официјално активиран Кризниот штаб.
На терен се ангажирани екипи на Противпожарната служба, Министерството за внатрешни работи (вклучително и специјалните единици ЕБР и Интервентна полиција), припадници на Армијата, како и претставници на локалното население.
-Ситуацијата е сериозна, но под контрола и постојан надзор и координација на надлежните институции. Апелираме до граѓаните за смиреност, одговорност и соработка со службите на терен, како и строго почитување на сите препораки и наредби издадени од надлежните органи, информираат од Општината.
