Со над 200.000 дипломирани студенти, 23 факултети, пет научни институти, најстариот Универзитет во државата „Св Кирил и Методиј“ одбележува 76 години постоење. Ректорката Биљана Ангелова уверува дека нивната мисија претставува темел на европската културна историја, која не го заборава својот идентитет, но смело гледа кон иднината.
Од Владата уверуваат дека интезивно работат на нов закон за образование, Универзитетов годинава има поголем буџет, а визијата на државата е студентите да ги полнат универзитетските холови и амфитеатри, а не да заминуваат на странските катедри. Министерката за образование вели дека посветено работат УКИМ да се вброи на листата од 1.000 светски најдобри Универзитети.
Главниот фокус на студентите треба да биде посветеноста и одговорноста кон науката. Најдобрите студенти на Универзитетот добија златник со ликот на Светите Кирил и Методиј за нивниот постигнат успех.
Од Универзитетот велат дека во следниот период ќе бидат посветени на зголемување на практичната компонента, поддршката за младите истражувачи, ревизија на наставните програми и социјална одржливост.
Давид Крстевски
