Полициски службеници од СВР Куманово уапсиле кумановец кој возел со 2,34 промили алкохол. Во текот на ноќта меѓу саботата и неделата, полициски службеници од Полициската станица за безбедност на патниот сообраќај при СВР Куманово го лишиле од слобода 45-годишниот В.П. од Куманово, на улица „Ѓорче Петров“.
При редовна контрола на патниот сообраќај, полицијата запрела патничко возило „пежо“ со кумановски регистарски таблички, кое го управувал В.П. По извршената проверка, било утврдено дека возилото било управувано под дејство на алкохол, со измерени 2,34 промили во крвта, соопшти Министерството за внатрешни работи (МВР). По комплетирањето на сите процесни дејствија, против В.П. ќе биде поднесена пријава согласно член 297-а од Кривичниот законик за „безобѕирно управување со моторно возило“.
