Полицијата вчера попладне уапси три лица од кривопаланечкото село Луке, двајца синови и нивниот татко. Тие се сомничат за убиство на својот соселанец.
-Полициски службеници од ОВР Крива Паланка ги лишиле од слобода З.Ф. (24), С.Ф. (19) и С.Ф. (44). Тие се осомничени дека го убиле Љ.С. (84) од село Луке, кој на 29.03.2025 година бил пријавен за исчезнат, соопшти МВР.
Старецот бил пријавен за исчезнат од неговата ќерка, а неговото тело било пронајдено закопано во непосредна близина на неговата куќа во с. Луке. Полициски екипи извршиле увид на местото на настанот.
По насока на јавен обвинител, телото е предадено на обдукција, а по целосно расчистување и документирање на случајот, ќе биде поднесена соодветна кривична пријава.
