Во овие тешки моменти, Владата повторно апелира до медиумите кои присуствуваат на погребот на жртвите од трагичниот пожар во кочанската дискотека да ги почитуваат етичките стандарди при известувањето.
„Поголемиот дел од медиумите не објавуваат фотографии и видеа од семејствата на настраданите, но оние кои објавиле такви содржини, ги повикуваме повторно да се придржуваат до етичкиот кодекс на информирање. Чувствителноста на трагедијата и личната болка на семејствата не треба да бидат предмет на сензационализам, емотивни наративи, фотографии и видеа. Апелираме до медиумите да ја почитуваат приватноста и достоинството на семејствата и да не предизвикуваат дополнително вознемирување ниту кај нив, ниту кај јавноста. Повторно, ги повикуваме медиумите да објавуваат само проверени информации, да избегнуваат шпекулации и дезинформации и да ја чуваат приватноста на семејствата на жртвите. Во исто време, се заблагодаруваме на медиумите кои професионално ги следеа препораките за известување од погребот на жртвите,“ се наведува во изјавата од Владата.
