Две трагедии, две потполно различни реакции на властите – Додека Србија со месеци чека виновниците да одговараат, Македонија одма тргна со апсење – ваква анализиа прави српската телевизија Н1 за трагедијата во Кочани. Медиумот ја нагласува брзата реакција на македонските власти.
„Иако околоностите се различни, заедничкиот именител на овие трагедии е занемарувањето на основните сигурносни мерки и неодговорност на надлежните институции, кои морале да спречат вакви катастрофи. Додека во Македонија набрзо по пожарот следеа апсења и оставки, во Србија реакцијиите на власта по несреќата во Нови Сад беа далеку потивки, речиси и непостоечки. Сигурно деја двете ситуации расветлија сериозни пропусти во системот и укажаа на длабоко вкоренета корупција во двете држави“ анализира медиумот
Потсетуваат на изјавата на министерот Тошковски кој како што велат веднаш призна дека пожарот во дискотеката е последица на корупцијата и обелодени дека дискотеката работела со фалсификувана лиценца.
„Од друга страна во Србија надлежните избегнуваа одговорност за трагедијата во Нови Сад, тврдејќи дека реконструкцијата ги опфатила сите осум настрешници на железничката станица“ заклучува медиумот
Медиумот посочува на оставката на кочанскиот градоначалник Папазов, кој ги повика надлежните институции да истражуваат и постапуваат доколку постои основ за негова одговорност. За разлика од него потсетуваат дека градоначалникот на Нови Сад, Милан Ѓуриќ поднесе оставка скоро три месеци по падот на настрешницата.
Српските медиуми исто така нагласуваат дека македонските институциите не дозволиле трагедијата да помине несанкционирано и дека судот веднаш постапил по барањето на обвинителството, одредувајќи притвор за неколку лица. Според медиумите во Србија чекорите преземени од македонските институции не само што ја сфаќаат сериозноста на настанот, туку и дејствуваат во согласност со принципите на владеење на правото и одговорноста.
Давид Крстевски
