До крајот на месецот очекуваме да бидат завршени нови 60 километри од фронтот и да започне работа на три паралелни локации: Гостивар-Бујојчани, Прилеп-Битола и Тетово-Гостивар. Решени се имотно-правните односи, нешто што претходната Влада не можеше да го постигне во рок од 2-3 години, а сега за неколку месеци е веќе завршено, истакна премиерот Христијан Мицкоски, одговарајќи на новинарско прашање.
„Добро е што овие проекти ќе се реализираат, и што граѓаните ќе имаат можност безбедно да комуницираат од еден град во друг. Ова ќе биде корисно и за туристичката сезона во Охрид и другите туристички центри, бидејќи туристите ќе можат побрзо да стигнат до туристичките места во државата“, додаде Мицкоски.
