На денешната седница требаше да има избор на 47 обвинители во 18 јавни обвинителства во Македонија. Кандидатите се од последната генерација на Академијата за судии и обвинители. Сепак, како што информираше Коцевски, нема пријавено доволен број на кандидати, а некои дури и се предомислиле, па ги повлекле пријавите за огласот за извор на обвинителства.
Во моментот недостигаат околу 100 обвинители, а пополнети се помалку од две третини или само 164 од вкупно 261 предвидени по систематизацијата за јавно обвинителски места на ниво на државата.
Иста состојба е и во судовите. Судскиот систем функционира со половина судии од она што е потребно – има 321, а по систематизација во земјава треба да судат 629 судии. За неколку дена Судскиот совет на седница ќе избира судии, кандидатите од последната генерација на академијата.
