Скопскиот апелациски суд ја намали казната за Бојан Јовановски – Боки 13 за случајот „Рекет“ од девет на пет години затвор. Одлуката била донесена минатата недела, а денеска беше споделена со јавноста.
Одбраната побара преиспитување на пресудата наведувајќи промени во околностите кои значително би влијаеле на одмерувањето на казната.
Кривичниот суд одби да го прифати барањето, по што била поднесена жалба до Апелација која ја намали казната.
Во моментов, Јовановски се наоѓа на слобода поради прекин на издржувањето на казната за здравствени причини. Според информациите од одбраната, досега тој издржал повеќе од 4 години од својата казна.
Боки 13 е обвинет и во случајот „Меѓународен сојуз“. Првата пресуда за девет години затвор беше укината од Апелација минатата година, а сега следува повторно судење во Кривичниот суд.
