Си набавиле печатница за евра и долари, и ги книжеле како да се Народна банка. Добро организирана група од Балканот, се здружиле со единствена цел – да ги пуштаат во оптег на пазарот лажните банкноти,а со тоа да се збогатат. Но полицијата им ја растури мрежата заедно со Интерпол – сузбиена е поголема меѓународна криминална мрежа која делувала во повеќе држави. Според информации на Алфа, уапсени досега се најмалку шестмина криминалци, кои биле фатени на српска територија односно во градовите Нови Пазар, Нови Сад, Сомбор и Суботица. Според наши информации пронајдена е домашна печатница, а запленети се и фалсификувани евра и долари.
Уапсени се: И.Ж.П од Суботица, И.И.П.(1999) од Суботица, 3.А.Б (1955) од Нови Пазар, С.Н (1962) од Нови Сад, С. О. (1985) од Нови Сад, З.Н. (1978) од Бачки Моноштор, општина Сомбор. При приведувањето на лицето била пронајдена поголема количина фалсификувани пари, велат нашите извори.
Покрај зголемено присуство на македонски полициски службеници забележани се и полициски службеници кои носат амблеми на ЕВРОПОЛ или ИНТЕРПОЛ кои меѓусебно ги координираат активностите со своите колеги од Македонија.
Во тек се претреси на повеќе локации, а надлежните институции најавија повеќе информации во текот на денот.
