„Мајкрософт“ во моментов е во преговори за купување на кинескиот Тик-ток и би сакал да започне со наддавање за апликацијата, тврди американскиот претседател Доналд Трамп во изјава за новинарите.
„Мајкрософт“ одби да ја коментира неговите наводи. Со коментари не излегоа ниту Тик-ток, ниту компанијата, „Бајт денс“.
Тик-ток, кој има околу 170 милиони американски корисници, накратко беше отстранет од интернет во САД непосредно пред да стапи на сила законот на 19 јануари со кој се бара од кинескиот сопственик да го продаде или ќе се соочи со забрана за неговата употреба поради национална безбедност.
По преземањето на функцијата на 20 јануари, Трамп потпиша извршна наредба со која се предвидува одложување на спроведувањето на законот од 75 дена.
