Вонредна состојба на границата со Мексико, помилувања, најави за повисоки царини за Канада, Европската унија и Кина, можност Илон Маск да го купи ТикТок. По инаугурацијата, Доналд Трамп потпиша низа извршни одредби и најави низа други мерки.
Како последно, Трамп ги собра водечките технолошки тешкаши за проект кој има за цел да обезбеди победа во судирот со Кина на полето на вештачката интелигенција. Станува збор за „Стартгејт“, или во превод „Ѕвездената порта“, проект вреден дури 500 милијарди долари во областа на вештачката интелигенција.
Проектот ги обединува технолошките гиганти како OpenAI, Oracle и SoftBank, што веднаш предизвика потрес на берзата и пораст на акциите на овие компании, објавија американските медиуми.
Со својата финансиска тежина и вклучените актери, проектот несомнено претставува демонстрација на решителноста на САД технолошки да ја водат трката за вештачка интелигенција, иако останува да се види како овој амбициозен план ќе се реализира во практика и дали ќе обезбеди посакуваната доминација во развојот на вештачката интелигенција, сметаат експертите.
