Поранешните американски претседатели – Барак Обама, Џорџ Буш и Бил Клинтон, сепак ќе присуствуваат на инаугурацијата на новоизбраниот претседател на САД, Доналд Трамп, што ќе се одржи во Вашингтон на 20-ти јануари. Оваа вест е изненадување за сите, затоа што тројцата до пред 48 часа имаа став да не присуствуваат. Поранешните претседатели не сакаа да бидат видени на „устоличувањето“ на човекот кого, како што наведуваат медиумите, не го почитуваат многу.
Сепак, тројцата поранешни американски претседатели нема да присуствуваат на традиционалниот инаугурациски ручек. Медиумите нагласуваат дека до промената дошло откако Обама и Клинтон меѓусебно се посоветувале и се согласиле дека бојкотот на инаугурацијата ќе ја намали поддршката од Американците кои се наклонети на Демократската партија.
