До кога мислат во СДСМ дека ќе бегаат без да се извинат за Артан Груби? – прашува Миле Лефков, пратеник и член на ИК на ВМРО-ДПМНЕ.
-Артан Груби направи милионски криминал во влада чиј премиер беше од СДСМ, во влада каде МВР го водеше СДСМ и влада во чие време судството и обвинителството испорачуваа под партиски притисок. Во такво време нема никаква можност СДСМ да не знаеле за криминалот на Груби. Повеќе од јасно е дека го одмолчеле, а сега исто како тогаш го одмолчуваат и мислат дека народот ќе им заборави. СДСМ треба да знаат дека најмалку што му должат на народот е извинување за криминалите кои дозволија да ги направи Артан Груби, посочи Лефков.
Пратеникот порача дека Македонија тонеше со години, затоа што Груби и таквите како него крадеа.
-Одговорноста дојде и одговорност за секој има. Само СДСМ како политичка партија не сфати дека мора да излезе и не само јавно да се огради од Груби, туку и да се извини за него, посочи Лефков.
