Претседателката на Македонија, Гордана Сиљановска-Давкова заедно со премиерот Христијан Мицкоски и претседателот на Собранието, Африм Гаши денеска присуствуваа на традиционален Божиќен ручек организиран во чест на именденот на поглаварот на МПЦ-ОА, Г. Г. Стефан. За време на ручекот била потенцирана важноста на духовната сплотеност и заедништвото во градењето, застапувањето и одбраната на националните интереси, соопштија од Кабинетот на Претседателката. Премиерот Мицкоски на социјалните мрежи сподели фотографии од прославата.
„Денес имав чест да присуствувам на традиционалниот божиќен ручек, организиран во чест на именденот на поглаварот на Македонската православна црква, Охридска архиепископија, Неговото блаженство г.г. Стефан. Нека е за многу години!,“ објави премиерот Христијан Мицкоски
