Премиерот Христијан Мицкоски по повод Бадник и Божик, придружуван од министри во владата, пратеници и градоначланици посети повеќе семејства во повеќе скопски општини.
„Ги посетивме општините Чаир, Бутел, Ѓорче Петров, Карпош, Центар, Кисела Вода, Аеродром и Гази Баба за да ја покажеме нашата човечност и да ја споделиме радоста со сите“ пишува Мицкоски на социјалните мрежи и додава дека треба да се потсетиме оти секоја трпеза треба да биде исполнета со љубов, секое срце со насмевка и секој дом со среќа.
„Бидете несебични, дарувајте на оние на кои им е најпотребно, бидејќи заедно можеме да донесеме светлина и топлина во животите на сите семејства. Божиќ е празник на добрината, а нашите дела се најголемиот подарок што можеме да го дадеме“ вели Мицкоски.
