Криумчарење на луксузни возила, фалсификувани исправи и царински измами во најновата акција на полицијата и обвинителството. 10 луѓе се товарат за кривични дела за кримчарење на скапи автомобили од Европа, октрива ОЈО. Полицијата ја “улови” криминална група која шверцувала автомобили од европските земји и се возеле во Македонија. Меѓу осомничените има и грчки државјанин, а за него кривичниот поргон ќе го врши обвинителството во Грција.
“Лицата во текот на 2021 и 2022 година, со лажни документи и преправени броеви на шасија, внесувале во земјава автомобили кои биле предмет на меѓународна потрага, како и автомобили за кои на друг начин ја избегнувале царинската контрола.Возилата тука ги регистрирале и еден дел по неколкупати меѓусебно си ги препродавале за да го прикријат криумчарењето, по што ги отуѓувале на крајни корисници.Меѓу осомничените се две службени лица – вработени во управни служби за регистрација на возилата” велат од ОЈО.
Министерот Тошковски вели дека МВР со сите сили се бори против криминалите во државата. Тој уверува дека борбата против криминалот продолжува, затоа што македонските граѓани заслужуваат да живеат во стабилна и безбедна држава.
–Акцијата е насочена кон сузбивање на организирана криминална група која се занимава со криумчарење на скапи моторни возила, фалсификување исправи и злоупотреба на службена положба, за што утрово се вршеа претреси на повеќе локации. Продолжуваме со борба против сите облици на криминал, затоа што македонските граѓани заслужуваат да живеат во стабилна и безбедна држава, потенцира министерот Тошковски.
МВР за само еден месец сузби повеќе криминални групи…поврзани со нарачани убиства, препордавање наркотици, обиди за ликвидација и безброј случаи на изнуди, закани и рекет.Тошковски вели дека ова е само почеток, за сузбивање на криминалите во држвата.
