Запалените возила и дуќан, ДУИ ги оцени како тешки настани, дела од омраза и опасна криза.
-Ова веќе не е само неодговорност или неуспех – ова е опасна криза која се влошува секој ден. Кога институциите не можат да ја гарантираат безбедноста на своите граѓани и кога молчат пред ваквите дела на омраза, пораката што се испраќа е јасна: Албанците во оваа земја се оставени на милост и немилост на судбината. Овој пристап не е само дискриминаторски, туку и длабоко дестабилизирачки за целото општество, се вели во реакцијата од ДУИ.
Од партијата на Ахмети повикуваат на итна интервенција од меѓународната заедница, и тврдат дека само меѓународен притисок би можел да ја запре опасната спирала на насилство.
