Трагедија во скопски Чаир, жена почина на лице место откако во неа удри патничко возило „Сеат алтеа“. Од МВР ја потврдуваат сообраќајната несреќа и велат дека работат на целосно расчистување на случајот.
„Во 18:43 часот во СВР Скопје е пријавено дека на бул. Х. Т. Карпош во Скопје патничко возило ‘сеат алтеа’ со скопски регистерски таблички, управувано од А.Џ. (19) од Скопје удрило во женско лице, кое починало на местото на настанот. А.Џ. со возило на ИМП е пренесена во ГОБ 8-ми Септември. Во тек е увид на лице место“ велат од МВР
Екипа на Алфа ТВ е на терен каде во моментов се врши увид од страна на полиција. Никој од очевидците кои се видно вознемирени не сака да зборува пред камера.
