52, 5 милиони евра од ЕУ на македонска сметка како предфинансирање согласно планот на раст за 2024-2027 година. Ова ќе биде практично првата транша од предвидените 750 милиони евра за Македонија од вкупно 6 милијарди кои ги одвои ЕУ за земјите од Западен Балкан . Реформската агенда за Македонија од вкупно 136 чекори за време од следни три години, стигна во Собранието, а доби високи оценки од Европската Унија.
Парите ќе се користат за реформи во шест клучни сектори, а не можат да бидат условени со никакви политички прашања, туку единствено со исполнување на реформите
Според она што беше презентирано во Собранието една третина од парите од Европската Унија кои се наменети за Македонија се грантови, а две третини кредити. Според планот на Владата првата транша треба да стигне до Нова Година
На денешната воведна расправа присуствуваше и претседателката Гордана Сиљановска Давкова . Според неа, многу е важна координацијата помеѓу Владата и Собранието, мора да се стопира злоупотребата на европското знаменце и да има вклученост на невладините и амбасадорите во комисијата за европски прашања .
Според најавите за спроведување на Реформската агенда расправа во Собранието ќе има на секој шест месеци, а ако е потребно и на пократок временски период.
