Споен и реорганизиран Клинички центар ќе стане реалност до крајот на 2025 година.Премиерот Христијан Мицкоски денеска ќе седне на маса со министерот Таравари заедно да анализираат и бараат решенија кој и како да раководи со најголемиот здравствен центар во Македонија.Тоа би значело дека со клиниките ќе управува еден човек со титула генерален директор и неколку негови советници.На состанокот помеѓу премиерот и министерот ќе се разгледуваат опциите – како здравствениот систем да биде до пофункционален.
“Едно е од темите на кои што ќе разговараме е и ова…односно на реционализација на Клиничккиот центар и формирање на една правна единица како и изградбата на клиничката болница во Штип”– вели премиерот Христијан Мицкоски.
Спојување на клиниките не беше во агендите само на Таравари, туку и на неговите претходници Меџити, Сали и Филипче, но досега не се најде решение како 32 установи, исто толку управни одбори и бројна администрација да бидат една целина како што функционираше клинички до 2007 година.
Министерството за здравство за да има поголема контрола како се трошат парите од здравствената каса – ќе ги спои и болниците со здравствените домови. Целта е да се заштедат пари, а тоа значи наместо да има двајца директори, со двете здравствени установи ќе раководи еден менаџер.
Инаку, пред само неколку месеци министерството за здравство со Владина одлука ги разреши организациските директори во јавните здравствени установи. Со оваа мерка за најмалку половина милион евра ќе биде побогата касата на МЗ за една година.
