Уште една жена, која не е вработена во Зоолошката градина, денеска ќе се тестира за птичји грип во Институтот за јавно здравје, информира докторката на институтот Марија Андоновска.
„После последните случувања веројатно луѓето се вознемирени и очекуваме дека во следниот период ќе имаме луѓе што ќе доаѓаат со или без упат кои ќе сакаат да бидат тестирани за птичји грип„ –вели Андоновска за Слободен печат.
Резултатите од тестирањето ќе се знаат во текот на денот. Директорката Андоновска во интервјуто открива дека иако четири лица вработени во Зоолошката градина беа ставени под здравствен надзор, вчера тој статус им бил одземен затоа што Комисијата за заштита на населението од заразни болести решила дека тие не треба да се под здравствен надзор. Од Институтот за јавно здравје вчера информираа дека резултатите за птичји грип на двајцата вработени во скопската Зоолошка градина, кои пројавиле симптоми, се негативни.
