Премиерот Христијан Мицкоски утре ќе има излагање на 20-тиот Европски самит во Салцбург. Тој на својот Фејсбук профил сподели дека веќе е тргнат на пат од Виена кон Салцбург.
„Во воз на пат од Виена за Салцбург каде утре имам свој панел и излагање на 20тиот Европски самит во Салцбург посветен на Европската Унија и реформите на овој пат. Имаме јасен план и визија и подготвеност да бидеме вреднувани според нашите напори и залагања.
Веќе следниот ден на средби во Австрија со австрискиот министер за надворешни работи Александар Шаленберг и претседателот на Австрија Александер Ван дер Белен. Ги браниме македонските интереси и работиме за заедничката иднина“, пишува Мицкоски.
