Според сегашните информации, едно лице е рането и е пренесено на укажување лекарска помош во Градската болница.
Денеска (14.10.2024) околу 18.10 часот од ГОБ „Св.Н. Охридски“ во СВР Скопје е пријавено дека во болницата бил донесен повреден Е.А. (35) од Скопје, со прострелна рана во ногата. Повредениот бил донесен од страна на неговиот брат, кој појаснил дека додека Е.А. се движел пеш по ул.„Христијан Тодоровски-Карпош“ во Скопје му се приближило едно лице кое му пукало во ногата, најверојатно поради должничко-доверителни односи. Се преземаат мерки за расчистување на случајот, информираат од МВР за Алфа.
За само неколку денови, ова е второ пукање откако претходно во престрелка во истата населба Чаир беше повреден 19-годишен скопјанец.
