Разурнати стотици домови,  најмалце 4 загинати, евакурани околу 200.000 луѓе а  3 милиони луѓе останаа без електрична енергија и водоводна мрежа откатко Ураганот Милтон опустоши голем дел од сојузната држава Флорида.  

Меѓу најтешко погодените области се крајбрежните окрузи, вклучувајќи ги Пинелас, Хилсборо, Манати и Сарасота, како и округот Харди, а се очекува нивото на морето да порасне за 4 метри.

,,Нивото на водата веќе е зголемено за еден метар и сè уште се опоравуваме од ураганот Хелен што не погоди минатата недела. Удира силно, снимаме налети на ветер од 180 км/ч. Гледаме покриви како летаат, дрвја летаат наоколу. Прилично е грдо таму, Нема спас за оние кои одлучиле да не се евакуираат, тоа што ќе го најдеме наутро се тела,, изјави за тамошните медиуми Мелани Беван, командир на полицијата во Брадентон.

Граѓаните во паника, пријави за опасност доаѓале од повеќе делови на Флорида, издадени се повеќе од 125 предупредувања за торнада со просечна брзина од 180кмч што е рекорден број за оваа сојузна држава.

,,Стотици домови се уништени во округот, има и мртви, точната бројка сеуште не е позната, урагани доаѓаат од сите страни,, изјави Кир Пирсон, Шериф на округот Сент Луси.

Затворен е и вселенскиот центар Кенеди, а ураганот направил штета и на центри од НАСА. Во текот на вчерашниот ден и претседателот на САД Џо Бајден и градоначалничката на Тампа Беј испратија предупредувања. Последиците на ураганот се очекува да се проценат во деновите кои доаѓаат.

Даниел Ѓорѓевски