Уставниот суд, во среда ќе треба да донесе конечна одлука, по предлог постапката, за оценување на Уставноста и законитоста на „балансерот“ – алатката за вработување во државните институции, според националната припадност.
Уставниот суд на 18-ти септември на седница расправаше дали со наведувањето на припадноста на заедницата, којашто е потребна за пополнување, на секое работно место на кандидатите за административни службеници – им се ограничува достапноста, на секое работно место, односно дали, со обврската на кандидатите во пријавата за вработување, да наведат и припадност на заедница, се нарушува начелото на стручност и компетентност и се повредува уставно загарантираното право на работа, и слободен избор на вработување.
Мнозинството уставни судии меѓу кои не се судиите од заедниците, изрази сомневање, дека вработувањата според етнички клуч ги загрозуваат човековите права; слободното изразување, на национална припадност; и достапноста до работните места судот побара мислење од собранието, владата, и надлежните министерства.
