Министерката за енергетика, Сања Божиновска, во објава на Фејсбук излезе со свој став по неодамнешните прашања дали поседува се уште бугарско државјанство, односно дали се откажала од тоа.
Јас сум родена во Скопје, Македонка сум и секогаш ќе бидам Македонка.
Тоа никој ниту може, ниту смее да го оспори.
Сите други зајадливи коментари, чудни прашања и погрешно толкувани одговори ќе ги разберам и прифатам како цена на моето скромно и мало политичко искуство.
Не се вратив дома за да се мешам во политички игри, се вратив да го вложам моето знаење и искуство во енергетиката како специфична и тешка проблематика.
Секогаш мислев дека личните напади и конструкции не се добри во било кои меѓучовечки односи.
На сите кои им сметаат нашите стратешки планови за воведување на ред во оваа област им упатувам порака дека овие лични напади нема да ме поколебаат во мојата намера за воведување на ред во оваа област во која минатите години владееше хаос и комплетен криминал.
