Тука сме да помогнеме во решавање на постоечкиот конфликт со Бугарија,изјави унгарскиот премиер Орбан во утринското интервју за унгарското Радио „Кошут“ кое емитува програма од брегот на Охридското езеро.
Морам многу да внимавам да изговарам Северна Македонија, за да не настане меѓународен проблем. Порано оваа држава се нарекуваше Македонија, но поради проблемот со Грците мораше да си го сменат името во Република Северна Македонија и морам и јас многу да внимавам така да го формулирам, за да не настане некоја меѓународен проблем“,рече Орбан на почетокот од интервјуто.
Запрашан која е целта на неговата посета на Македонија после цели 11 години, тој вели дека е тука првенствено за помош на Македонија на евроинтегративниот пат.
-И сега имаат еден конфликт со Бугарија кои го блокираат процесот на нивно присоединување кон ЕУ. Поради расправиите околу положбата на националните малцинства, Унгарија како актуелен претседавач со ЕУ, сметавме дека треба како задолжителни да ги посетиме оние држави кои се во најтешка позиција во однос на зачленување кон ЕУ и да им помогнеме, во решавањето на постоечките конфликти. Тоа е една од причините, за која сум тука. Но има и поважна причина, ние имаме и други прашања, кои се важни, а тоа е прашањето на миграцијата“, додава Орбан.
