Државата преку Агенцијата за стокови резерви, ќе откупи дел од количините на оризовата арпа. На последната владина седница е донесено заклучок Агенцијата, да ја отпочне постапката. Според Министерот за земјоделство, во Македонија, нема увезен ориз од странство.
„На минатата седница на Влада донесовме заклучок и ја задолживме Агенцијата за стокови резерви да направи дополнителни измени на програмите и уредбите коишто ги има согласно законите, за да предвиди оризова арпа за стоковите резерви. Знаете Законот, е изменет и државата ќе може да откупи и сега со оваа процедура практично ќе се изврши нивелација на пазарот, во моментот на производство на ориз за 2024„ изјави Министерот за земјоделство, Цветан Трипуновски
Во меѓувреме почната е жетвата на ориз во кочанско. И годинава понудената цена од страна на откупувачите, ги разочара земјоделците. Во зависност од рандманот и сортата, килограм оризова арпа ќе се откупува до 33 денари. Но од она што е посеано по кочанските ниви, оризопроизводителите за својот род ќе може да добијат масимум 30денари за килограм. Дополнителен проблем е лошиот квалитет. Земјоделците бараат да се изготви и нова производна цена, која во моментот е 27денари.
„Квалитетот за 2024 ќе биде еден од најлошите. Причина е касната сеидба во некој региони. Тие што посеаја до 15 април до 1мај, тие можеби ќе имат подобри резултати…меѓутоа приносите ќе бидат од 400 до 500кг. од единица декар. Но тоа не проблем, проблем е цената„ изјави Здравко Арсов од Националната мрежа на земјоделци.
„Се уште се водиме според онаа производна цена од пред две три години. Меѓутоа, од тогаш до денес имаме промени во производството, употреба хербициди и трошоците секако дека се зголемуваат„ изјави Стојче Ташовски од Националната мрежа на земјоделци.
Годинава под ориз во кочанско се посеани околу 4000хектари, а очекувањата се дека ќе бидат ожнеани околу 20.000 тони оризова арпа, односно 10.000 тони ориз.
Александра Ристевска
