Министерството за спорт обезбеди средства во буџетот за реконструкција на спортската сала при УКИМ. Ова е од особено значење за спортот бидејќи во неа се изведува настава за над 1.500 студенти на универзитетот, објави министерот за спорт Борко Ристовски.
– Во ректоратот на УКИМ денеска одржавме состанок со рекоторката на Универзитетот, проф.д-р Биљана Ангелова, проректорите и универзитетски професори, на кој се утврди заеднички акционен план за реализација на проектот за реконструкција на спортската сала „Св. Кирил и Методиј“. Иако оваа сала не е наша надлежност и владение, во интерес на непреченото одржување на наставата, тренинзите и другите спортски активности на УКИМ, Министерството за спорт ќе се заложи во најкраток можен рок оваа сала да биде ставена во функција за бенефит да имаат спортот и сите студенти на УКИМ, напиша Ристовски
