Комитетот за истрага на воздухопловни несреќи и сериозни инциденти денеска почнува активности во M-НАВ како дел од истрагата за безбедносниот настан на небото над Скопје на 7 септември во кој според објавите е избегнат судир на два авиона. По медиумските објави врз основа на сајтот за следење летови флајтрадар 24, дека авиони на „Туркиш Ерлајнс“ и на „Санекспрес“ за малку ќе се судреле на небото над меѓународниот аеродром во Скопје.
За настанот постапува и агенцијата за цивилно воздухопловство (ацв), а ако се утврди дека има кривично дело наодите треба да се достават до основното јавно обвинителство.
– Влегуваме во м-нав и ќе ги направиме потребните разговори, ќе ги преслушаме снимките од разговорите на контролорите со пилотите на авионите, а и ќе ги погледнеме и снимките. Ние не утврдуваме вина, туку причина која довела до ваков инцидент. Исто така, ќе побараме изјави од пилотите на двата авиона преку нивните воздухопловни власти, па ќе ја информираме јавноста. Се друго во моментот ќе биде шпекулација – изјави за МИА во петокот Зоран Илиевски, претседател на комитетот за истрага
