Онколошките пацинети покрај борбата со болеста, војуваат и со системот и скапите третмани. Ехо на срце 1.500 денари, ехо на дојка 1.000, ехо на абдомен 500 ден, крвна анализа 2.000 ден – ова се само дел од трошоците кои пацинетите со канцер мораат да ги плаќаат од свој џеб при нивното лекување. Тие реагираат до здравствените власти, итно да се направат измени во системот, да има дигитална евиденција за пацинтите кои боледуваат од најтешката болест, но и да бидат ослободени од плаќање за секаква здравствена услуга.
Доплнителни трошоци им се и медикаментите кои месечно ги чинат илјадници денари. Иако дел од лекарствата се на товар на ФЗОМ, но поголем не се. Болните од рак бараат на следното ревидирање на позитивната листа на лекови да има генерики и за онколошките пациенти.
Инаку, за околу еден месец пацинетите ќе можат да ги подигнат новите лекови кои се на позитивната листа. Станува збор за различни генерики, за крвни болести, болести на срце, лекови против висок притисок, антидепресиви како и лекови за третирање деменција.
Онколошките пациенти ќе реагираат и кај министерот Таравари, бидејќи очекуваат во најскоро време да остварат средба.
Од Министерството за здравство велат дека ова е само почеток на ревидирање на листата на лекови. Според планот, за околу шест месеци листата повторно ќе биде проширена.
Инаку, по цели десет години, кога беше ставен само 1 нов лек, последното проширување на позитивната листа опфаќа 9 генерики кои опфаќаат 20 лека, а ги произведуваат повеќе компании. Годишно од здравствената каса ќе се одвојуваат околу 1 милион евра.
