Високи функционери на поранешни влади, кои имаат огромен капитал заработен на црно на секој начин се обидуваат да мобилизираат луѓе да терен, да ги манипулираат, да испровоцираат конфликт и да ја нарушат меѓуетничката хармонија во Македонија. Премиерот Христијан Мицкоски повторно предупреди за планот на ДУИ која не може да се помири што замина во опозиција по две децении на власт.
Партијата која последниве години беше главен политички фактор и за која се предупредуваше дека е една од најкорумпираните, спремна е да ги наруши стабилноста и мирот – само да ги зачува огромните милионски суми. За ова власта подолго алармира
Имаме индиции за елементи, кои што располагаат со огромни милионски суми на пари, дел од нив се високи функционери во поранешни влади и кои што се обидуваат да мобилизираат луѓе на терен, во најголем дел да манипулираат и она што мене особено ме загрижува е тоа што се обидуваат да провоцираат етнички конфликт, односно да ја дестабилизираат меѓуетничката хармонија во Македонија. Тоа е она кое што најмногу ме вознемирува бидејќи сфаќаат дека на друг начин тие не може да мобилизираат луѓе и сега единствениот начин е да испровоцираат ваков тип на конфликт. Тоа нема да го дозволиме. Апелирам и до јавноста и до медиумите и до граѓаните да се воздржат од какви било провокации, да ги игнорираат, изјави Мицкоски денеска одговарајќи на новинарско прашање во врска тврдењата дека има лица, кои работат на дестабилизација на државата, порача Мицкоски.
ДУИ претходно индиректно призна дека спрема есенско сценарио, ама се правда дека сите чекори што ќе ги преземеле се со намера да ги заштителе Албанците од мајоризација и понижувања.
Тие дури и најавата за укинување на Балансерот, кој со години го злоупотребуваа да вработуваат партиски кадри, ја поврзуваат со тезата дека Албанците се угнетувани. Иако, премиерот Мицкоски вели дека укинувањето на овој механизам не е политичка одлука туку препорака од ЕУ која мора да се испочитува во поглед на реформите што Македонија треба да ги спроведе.
Ако сакаме да правиме реформи, што и самата ЕУ вели дека се потребни, една од реформите е и ова. Тие велат дека времето на Балансерот измина бидејќи бил предмет на многу злоупотреби во минатото. Посебно во декларирањето на етничката припадност на граѓаните. Тоа не е став на ВМРО, став на ВРЕДИ, став на ЗНАМ, СДСМ, ДУИ или на која било политичка партија. Тоа е став на ЕУ , рече Мицкоски.
Реформите кои ги најави власта не се однесуваат само на укинување на Балансерот. Надлежните се свесни дека што поскоро мора да се направат промени во македонското општество што ќе се засноваат на борба против криминалот и корупцијата, владеење на правото, независно судство, квалитетна администрација и меритократија.
