Некогаш преубавата зелена шума претворена во пепел на Серта. Изгоре голем дел од оваа планина. Помагаа многумина, спасија што може да се спаси.
-Имаше пожар јак и ако префрлеше наваму и нас ќе не фатеше, вели еден од граѓаните.
-Пожарот си е пожар, некој подметнал, гореше цело време, горе планината, вели еден од граѓаните.
-Па имаше дел од мештаните, направија изолација околу селото, обрач… и така го заштитија селото, вели еден од граѓаните.
Сепак голем дел од оваа планина која важи за белите дробови на Неготино и регионот изгоре, па ќе требаат години повторно да се врати во состојбата пред пожарите.
Едно од дрвјата, а и сите други дрвја кои што можеме да ги видиме во овој дел од планината Серта се доказ за она што се случуваше токму на оваа планина, каде што имаше големи пожари кои што претставуваат еден вид еколошка катастрофа.
Мештаните упатуваат благодарност до сите оние кои помогнаа против огнената стихија и ги спасија неготинчани од многу поголеми проблеми.
-Мислам дека се справија, сега е добро, вели еден од граѓаните
-Ситуацијата беше стварно критична, ветерот и нестабилното време си го прави своето, час на еден крај па знае да заврти на друг крај, така да добро што се заврши, вели еден од граѓаните.
На Серта го сретнавме и пензионираниот пилот Стоје Арсовски, се вратил да помогне во овие тешки ситуации за Македонија.
-Мачно затоа што немавме довлоно сили, имавме само три авиона. Па ни се јавија дека има потреба дека нема пилоти на другите два авиони и со согласивме, ова е само за три месеци додека траат пожарите, изјави Арсовски.
Деновиве зад нас планинта Серта беше местото кое што преставуваше најголема опасност за неколку градови на истокот на државата.
Доказ за оваа катастрофа која што се случи на оваа планина Серта е тоа што можеме да ги видиме овие дрвја зад нас целосно изгорени, а можеме да видиме дека и едно обично дрво кое што е тука до нас можеме гранче најобично да му скршиме со најобичен фат на раката.
Минативе десетина дена во Македонија имаше голем број пожари, на помош дојдоа и екипи од други држави. А покрај пожарникарите на терен беа и екипи од армијата, како и од Единицата за брзо распорадување на МВР, кои секојдневно беа во првите редови во борбата со оваа криза која што ја снајде државата. Инаку во минативе две децении во Македонија изгорела површина еднаква на над 110 илјади фубалски игралишта.
Новинар: Матеја Петровски
Снимател: Дејан Младеновски
