Штип доби нова пешачка зона. Од денеска, најфрекфрентна улица во центарот, станува шеталиште. Затворањето за сообраќај на култната улица „Едносмерна“ каде отсекогаш се сместени главните трговски дуќани, ќе даде нов и поурбан лик на градот.
„Многу е убаво, народот сега ќе може слободно да се шета. Потребно му беше на градот на вакво нешто, бидејќи улицата беше преполна со возила и човек одвај можеше да се размине„ коментираат штипјани.
Улицата пробно ќе биде затворена неколку недели. Станарите кои живеаат на оваа улица ќе имат обезбедено паркинг простор во двете катни гаражи, а снабдувањењето на дуќаните со роба ќе се спроведува во одредени термини од денот
Изјава-Иван Јорданов-градоначалник на Штип
„Проектот којшто го имаме зацртано за улицата„Ванчо Прќе„ е да биде уредена со соодветна урбана опрема, поплочена. Ова ќе биде можност за голем дел од нашите сограѓани своето слободно време да го поминат на прав начин, какошто доликува на еден град којшто е центар на Источна Македонија„ изјави Иван Јорданов, градоначалник на Штип
Проектот „Пешачка зона во Штип“ изнесува околу 200.000 евра. Беа изградени две катни гаражи, а се предвидува и реконструкција на водоводната и канализациона мрежа, со што ќе се реши долгогодишниот проблем на станарите на оваа улица.
Александра Ристевска
Штип доби нова пешачка зона – затворена за сообраќај култната „Едносмерна“ (youtube.com)
