Делегација предводена од премиерот Христијан Мицкоски во Вашингтон се сретна со претставници на македонската дијаспора. Ова утрово го објави Мицкоски на неговиот фејсбук-профил, посочувајќи дека пред самитот на НАТО посветил внимание на прашањата и позициите на дијаспората во САД.
„Имав одлична средба со Мето Коловски и Обединетатат македонска дијаспора, со кои разговаравме за поддршка и лобирање за македонските интереси“, напиша Мицкоски.
На фотографиите кои ги објави Мицкоски на Фејсбук се гледа дека на состанокот од македонска страна, покрај премиерот присуствувале и министерот за внатрешни работи Панче Тошковски, министерот за надворешни работи и трговија Тимчко Муцунски и министерот за одбрана Владо Мисајловски.
