Додека директорувал со Агенцијата за Филм, Бојан Лазаревски незаконски и своеволно делел народни пари – утврдило министерството за Култура, во чиј извештај велат дека тоа го правел без согласност од управниот одбор, како и без да обезбеди финансиски средства. Тоа го направил преку потпишување меморандуми за соработка со „Рива филм“, организатор на фестивалот „Понта Лопуд“ кој се оддржува на остров близу Дубровник. На фестивалот требало да има и преставник од Агенцијата за Филм, па решил дека 5 дена по ред тој лично ќе присуствува. Според надзорниот извештај на министерството, тој ова го правел две години по ред, а се обидел и годинава.
- Во 2023 година поранешниот директор Бојан Лазаревски, склучил меморандум за обезбедување средства и за 2024 година, исто така, без одлука на управен одбор, ниту пак спроведена законска постапка за обезбедени финансиски средства. Овој меморандум не треба да се реализира од страна на сегашниот директор на Агенција за Филм, бидејќи е незаконито склучен, стои во Надзорен извештај на Министерство за култура за работата на Агенција за Филм
Поранешниот директор Бојан Лазаревски пак, во телефонски разговор за ТВ Алфа др правда, вели дека тој лично не носел одлуки, бидејќи законот за филмска дејност бил дециден. Одлуки носел управниот одбор, а тој само ги спроведувал. Додека пак за тоа, кој ќе присуствува на фестивалите, пристигнувале покани од организаторите, не одлучувала Агенцијата за филм.
Од министерството за култура констатирале неправилности и во финансирањето на фастивалите „Златна рамка“ и „Браќа Манаки“. Настани кои ги спојува Друштвото на филмски работници, бидејќи тие ги организираат.
За фестивалот „Златна рамка“, од Култура утврдиле судир на интерси, бидејќи истите лица кои одлучувале кој да земе пари во Агенцијата за филм, во истовреме биле и корисници на истите. Култура утврдило и дека најголем дел од трошоците предвидени за овој настан, биле за хонорари, од кои добар дел завршиле кај првите луѓе на ДФРМ, Игор Ивановски – Изи и Томи Салковски.
Додека пак за манифестацијата „Браќа Манаки“, министерството вели дека во Агенцијата за филм не нашле извештаи за тоа, како се трошеле народните пари на овој фестивал две години по ред, како и дека строго наменски средства биле дадени за репрезентативен материјал, кој не бил предвиден со договорот.
