Кога не може државата, тогаш можат граѓаните. Штип, повторно ставен на тест за да ја покаже својата хуманост. Се собираат пари за лекување во Истанбул за младата штипјанка Сибела Омерова. Денеска во Штип се одржа координативен состанок кадешто невладини организации и општината заеднички бараа начин како да помогнат во собирањето на средствата во висина од 70.000 евра.
Во наредните неколку денови својата хуманост и солидарност на дело ќе ја покажат и штипските уметници. Ќе се организираат изложба, театарски претстави, концерти, а во кампањата се вклучуваат и тату мајстори..
Во моментот младата штипјанка, која е медицинско лице, со дел од семејството е во Истанбул. Единствено тамошните лекари се нафатиле да ја оперираат, а потоа и да продолжи со хемотерапија, објаснува за Алфа нејзината мајка. За двете операции и хемотерапијата потребни се 70.000евра.
Александра Ристеска
