Ако Израел возврати со иста мера кон Иран, тоа би значело војна од поголеми размери, кој ќе го зафати целиот регион или пак ќе го вовлече и светот во воен конфликт – вели универзитетскиот професор по безбедност, Злате Димовски, кој појаснува дека дел од државите или милитантни организации од Блискиот Исток, размислуваат за начини, како да вовлечат и трети страни во конфликт.
- „Ако одат со иста мера да му вратат на Иран, тоа би значело и вовед во војна, трета светска војна, која што навистина е проблеметично и каде што ќе имаме конфликт на повеќе држави, кои што располагаат со нуклеарно оружје, кое што е поразително за целиот свет.“ – Вели универзитетскиот професор, Злате Димовски.
Професорот смета дека опасноста Македонија да биде инволвирана во конфликотот е мала, поради географската оддалеченост, но вели дека секоја држава треба да е соодветно подготвена за терористички закани, кои имаат политички мотиви. Тоа е така бидејќи завојуваните страни располагаат со терористички келии, кои може да се обидат да извшат провокации, а како пример ја зема Франција, која веќе го подигнала нивото на тревога.
- „Пипците на меѓународниот тероризам и она што претходно го потенцирав, дека тие сакаат да инволвираат повеќе држави, може да се случи да активираат некои нивни келии. Дали тоа ќе биде Хамас, Хесболах, растурената Ал Каеда, Исил и тн. може да се случи да ги пренесат таквите активности.“ – Појаснува професорот.
Тој додава дека Иран го најавил нападот кај Соединетите американски држави, нешто што досега не се случило, што покажува дека тие се соочувале со политички притисок да се конфронтираат со Израел. Состојба која ја делат и други исламски држави, а кои се уште впуштиле во вооружена конфронтација.
Никола Цветкоски
