Инаку, на денешниот настан кој го организираше Ахмети за да ја промовира коалицијата со Скендер Реџепи, во работно време, присутно беше целото раководсто и министрите на ДУИ, како и техничкиот премиер Талат Џафери.
На настанот повторно можеше да се забележи константната злоупотреба на службените возила во партиски цели, односно речиси сите министри на ДУИ на настанот дојдоа со возилата на државата. Меѓу оние кои дојдоа беше и првиот човек на чаирскиот огранок на интегративците Беким Незири, осомничен за упадот во МНАВ. Тој не беше расположен да одговори на прашањето на Алфа, поврзано за овој случај.
