На 90 годишниот охриѓанец Ламбе Цепенкоски,Фондот за пензиско и инвалидско осигурување одбива да му исплати пензија за период од 1992-ра до 2004-та година.Својот работен век како воено лице,тој го поминал во Мостар,а по разгорувањето на војната во поранешна Југославија, во 1992-ра се вратил во Македонија.Од тогаш почнува неговата голгота. Фондот за пензиско и инвалидско осигурување не му ја дава пензијата која му следува,и за да го прехрани семејството поранешниот офицер работел се и сешто.
-“Јас морав да работам приватно, јас и синот Драган копавме канали,чистевме бавчи.Па кога дојде есента почна да се бери грозје,јаболка сите таму беревме.Луѓето ни плаќаа колку толку и преживувавме”-вели Ламбе Цепенкоски
Адвокатот Владо Чингоски кој 13 години води правна битка, појаснува дека македонската влада во 1992-ра година донесла небулозна одлука според која само на оние кои се вратиле во земјава заклучно со 31.03.1992-ра година ќе им се признае правото на пензија
-По 2002-ра година се потпишува договорот за сукцесија на бифшо југословенските републики и се носи анекс Д согласно кој, секоја држава редовно ќе ги исплаќа легално заснованите пензии без разлика на националност и државјанство.Потписник на овој договор е и Република Македонија,но нашата држава иако не смее, им го одзема правото на пензија-вели Чингоски. Фондот произволно одлучил да му доделува пензија од 2004-та година,а за дванаесетте години претходно не им е исплатен скршен денар.
“Сега проблемот е што не можеме ни да стигнеме од Управен суд затоа што за да стигнеме да тужиме до Управен суд за да го решиме овај проблем треба да се потврди решението или на Фондот за Пензинско и инвалидско осигурување.Меѓутоа тоа ќе биде тотална неправда,тоа ќе биде субјективност, тоа ќе биде непознавање на правото, тоа ќе биде непочитивање на постапките, не почитување крајно и на законот за пензиско иинвалидско осигурување”-вели адвокатот Владо Чингоски.
Тоа е исто како да не се признава договорот за добрососедство што го потпиша нашата држава со Грција. Тој станува дел од македонскиот правен систем.Ако сега ние мораме да ги менуваме личите карти и другите јавни документи за идентификација, мора и овој договор за сукцесија да се признае,додава Чингоски. И Цепенкоски не е единственот,низ истата голгота поминува и 86 годишниот поранешен офицер Миле Николоски. И двајцата се вратиле дома само дванаесет дена по донесување на оваа одлука која според правниците нема никаков основ.
Новинар Росица Голабоска
Снимател,монтажа Златко Маневски
