Портпаролот на ВМРО-ДПМНЕ Наум Стоилковски на денешната прес-конференција рече дека на крими-скандалите на СДС им нема крај.
Стоилковски истакна дека директор од СДС, пулен на Јована Тренчевска, прв човек на институција за социјални работи во Радовиш, е фатен од полицијата за трговија со дрога.
„Александар Филев, ВД директор на меѓуопштински центар за социјални работи во Радовиш, на 17-ти месецов, 5 минути пред полноќ, во Штип, бил приведен од службеници од одделот за недозволена трговија со дрога и оружје, заради тоа што кај директорот Филев била најдена и одземена дрога. За тоа има и полициски записник, дека е приведен, дека е пронајдена опојна дрога и дека следува поднесок. Прв човек на центар за социјални работи, центар за луѓе во социјален ризик, центар за деца во ризик, центар кој е одговорен за трезвеност во носење одлуки за помош на деца и семејства во ризик, меѓу кои и помош за состојби предизвикани од зависности, таков центар е воден од директор, кадар на СДС, фатен во трговија со дрога“, посочи, рече Стоилковски.
