Медиумите во Македонија биле продадени, и тоа како евтини биткоини. На крајот ќе завршеле цвикајќи во некој си подрум и ќе молеле СДСМ да ги спасува. Ковачевски влезе во отворен судир со медиумите. Соочен со неминовен и катастрофален пораз на изборите, лидерот на СДСМ на партиска трибина во скандалозен настап, вината ја префрли врз сите медиуми, вклучувајќи ја и државанта телевизија. За ситно се продале и џабе фатиле страна.
Џабе фатиле страна, пак ќе квицкаат по некои подруми кога ќе ги стегнат како Андреј Петров кога ги вадеше од А1 телевизија тие кои сега пак се ставија во служба на тие кои ги напикаа по подруми ов 2010 година, 2011 година – рече Ковачевски.
Ковачевски не запре тука. Го говорот кој е директен напад врз слободата на говорот, тој ги навреди со обвинување дека сега пред избори им паднала цената па затое некој ги купил. Не го ни интересира што ќе кажело здружението на новинари.
Е тоа ви е, кога медиумите ќе се стават во функција на една политичка партија. После ќе се освестат, ама касно е. Ќе трчаат во СДСМ да им ја врати демократијата, а они самите се продале, они уште сега се продаваат, пошто бит – коин велат се купува кога е најевтин. И морав ова да го кажам, па утре ќе се јави ЗНМ да се извиниме и ќе се извиниме – рече Ковачевски.
Ова не е прв пат Ковачевски директно да удри врз медиумите, да ги квалификува и навредува, само затоа што тие не ја пренесуваат розевата слика што само тој и неговата партија ја имаат за катастрофалната состојба во државата. Повод за најновата тирада, беше интервјуто на министерот Спасовски, но и објавувањето на резултатите од последната анкета на МРТВ.
„Тоа што го гледаме сега на МТВ е анкета преземена од еден Институт многу близок до ВМРО-ДПМНЕ. МТВ само не потсетува како изгледаа медиумите до 2016 година. Ова прашање треба да го доставите до амбасадорите Гир, до американската амбасадорка, до холандскиот амбасадор бидејќи тие многу често ги коментираат демократијата, слободата на медиумите, начинот на известувањето“, одговори Ковачевски на 08.02.2024.
Ваквиот непримерен напад врз медиумите, не е новост. Секоја издржана критика функционерите ја дочекуваат на нож. Приказната со Алфа, пак, е посебна бидејќи со години телевизијата ја доживуваат како трн во око. Притисокот врз „Алфа“ не остана само на закани – власта ги користи сите механизми кои и стојат располагање во обид да ја замолчи телевизијата па така, често е домаќин на различни инспектори, истражители, обвинители. И покрај сите проверки и чешлања на документацијата со години, досега не никој не успеа да најде ништо неправилно и незаконско.
